الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 ماساة اتنين مبيسمعوش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
امير الظلام
المدير العام
المدير العام
avatar

ذكر
عدد المساهمات : 80
تاريخ التسجيل : 19/12/2009

مُساهمةموضوع: ماساة اتنين مبيسمعوش   الثلاثاء ديسمبر 29, 2009 3:52 am

اتنين ما بيسمعوش ركبوا مع بعض الاتوبيس وكان هذا الحوار!!

الأول : الاتوبيس ده بيروح مصر الجديدة؟
الثاني : على الحديدة !!... ليه انت طالب احسان؟
الأول : بذرة الكتان !! لا ..دي تلاقيها عند العطار
الثاني : جزار !! اه ..قوللي كده .. عايز تشتري لحمة
الأول : معك حق.. الدنيا زحمة ..علشان ده ميعاد خروج الموظفين
الثاني : نور الدين !! لا والله .. ماعرفوهش
الأول : ما بتشربوش!! ليه ..كفا الله الشر؟
الثاني : رأس البر !!! ..ده مــصيف هادي
الأول : عايز تركب للمعادي... دي منطقة جميلة
الثاني : بليلة ؟!! انت شكلك كده جعان
الأول : عيان ؟!!! أي والله .انت باين عليك عيان ..طيب ما تروح للدكتور
الثاني: الحنطور !! ده احسن من الأتوبيس ، وبيوصلني لحد الباب
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟
الأول : عاوز اسـبرين ! ليه انت عندك صداع ؟
الثاني : قراع !!! يانهار اسود .. ده مرض خطير
الأول : لا والله مش عايز.؟ وبعدين مش بأحب الفطير.. تقيل على المعدة وتمنه غالي
الثاني: خالي.. انت تعرف خالي ؟ ده راجل كبير في السن
الأول : الجن .. نهارك مش فايت ..انت عليك عفريت !؟
الثاني : لا والله ..ممعاييش.. انت عايز الكبريت ليه ..؟ عايز تولع؟
الأول : أدّلع ! أدّلع عليك انت !؟ انت ما تملاش عنيا
الثاني : يقبضوا عليا !! ليه !؟
الأول : انت غريب يا راجل انت..شكلك شحات
(يدفعه من القميص) روح اشتغل شغلة تاكل منها عيش
الثاني : خيش !! والله ده صوف انجليزي
الأول: بنتك زيزي !!! ربنا يخلّي
الثاني : إنتاج محلي !!! ده مستورد
يمر شاويش من بتوعنا ... يلفت انتباهه الحوار، : بتعمل ايه يا جدع منك له
الاتنين: مافيش يا شاويش ...احنا مستنيين الأتوبيس

الشاويش : نهاركم مش فايت .... جواسيس !!! قدامي على القسم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mycafe.mam9.com
 
ماساة اتنين مبيسمعوش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قلعة الفوتوشوب :: ¨°o.O (الأقسام العامة) O.o°¨ :: قلعة الترفيه-
انتقل الى: